இமாம் இப்னு ஹஜர் அல் அஸ்கலானி ரஹ்

இமாம் இப்னு ஹஜர் அல் அஸ்கலானி ரஹ் 

*புகாரி என்ற பிரபல்யமான ஹதீஸ் நூலின்  விரிவுரையான ஃபத்ஹுல் பாரி என்ற நூலின் ஆசிரியர் இமாம் இப்னு ஹஜர் அல்அஸ்கலானி ரஹ் அவர்கள் பிறந்தார்கள்.*

*ஹாபிழுத் துன்யா ஷைஹுல் இஸ்லாம் இமாம் இப்னு ஹஜர் அல் அஸ்கலானி ரஹ் அவர்கள் பற்றிய சுருக்க அறிமுகம்.*

*முழுப்பெயர் : அஹ்மத் பின் அலி பின் முகம்மத் பின் முகம்மத் பின் அலி பின் மஹ்மூத் பின் அஹ்மத் பின் ஹஜர் அல் கினானி அல்அஸ்கலானி அல் மிஸ்ரி அஷ்ஷாபிஇயி.*

ஷிஹாபுத்தீன் என்ற பட்டப்பெயரும்
அபுல் பழ்ல் என்ற புணைப்பெயரும்
இமாமவர்களுக்கு உண்டு.
*எனினும் இப்னு ஹஜர் என்றே பிரபல்யமடைந்திருந்தார்கள்.*

*பிறப்பு : ஹிஜ்ரி 773 ம் ஆண்டு ஷஃபான் பிறை இருபத்தி இரண்டாம் நாள் பிறந்தார்கள்.*

*அறிவைத் தேடி பயணித்த இடங்கள்..*

12 வது வயதிலிருந்து இமாமவர்களின் கல்விப் பயணம் ஆரம்பமாகிறது..

முதலில் மக்கா நோக்கிச் சென்ற இமாமவர்கள் பின்பு எகிப்திற்குத் திரும்பி இஸ்கந்தரியாவிலும்
அதன் பின் யெமன் நோக்கிப்பயணமானார்கள்
பின் மக்கா , மதீனா , காஸா , நாபுல்ஸ் , ரம்லா , பைதுல் முகத்தஸ் , திமிஷ்க் , போன்ற பல இடங்களுக்கும் சென்று தனது வாழ்நாளை அறிவுக்காகவே செலவழித்தார்கள்.

*இமாமவர்களின் ஆசிரியர்கள்..*

இமாம்களான இராகீ , பல்கீனி , இப்னு முலக்கின் , ஹைதமி , மஜ்துஸ்ஸீராஸி , கிغமாரி , அல் முஹிப்பு இப்னு ஹிஷாம் , அன்பாஸி , இஸ்ஸு பின் ஜமாஆ ,
பாதிமா பின்த் அல் மன்ஜா , பாதிமா அல் மக்தசிய்யா போன்ற அறிஞர்கள் உட்பட மொத்தம்
644 ஆசிரியர்களிடத்தில் இமாமவர்கள் கல்வி கற்றுள்ளார்கள்.

அதில் 55 பெண் முஹத்திதாக்களும் உள்ளடங்குவர் என்பதனை தனது நூலான அல் மஜ்மஉல் முஅஸ்ஸஸ் லில் முஃஜமுல் முப்ஹரஸில் குறிப்பிட்டுள்ளார்கள்.

*இமாமவர்களின்  மாணவர்கள்..*

இமாம்களான அல் ஹாபிழ் ஸஹாவி , புர்ஹானுத்தீன் அல் பிகாயி , ஸகரிய்யா அல் அன்சாரி , இப்னுல் ஹுழைரி , தகி பின் பஹத் அல் மக்கி , கமால் இப்னுல் ஹம்மாம் , பூبஸீரி , இப்னு பஸ்ஸால் , இவர்களல்லாத இன்னும் பல அறிஞர்கள் இமாமவர்களிடத்தில் கல்வி கற்றுள்ளனர்.

இமாமவர்கள் பற்றி உலகின் மிகப்பெரும் மேதைகள் பலரும் பலவிதமாக பாராட்டி எழுதியுள்ளனர். குறிப்பாக இமாம் ஸஹாவி , இமாம் இராகி , இமாம் புர்ஹானுத்தீன் ஹலபி , இமாம் இப்னுல் ஜஸரி போன்றோர் இமாமவர்களின் திறமைகள் பற்றி அதிகம் பேசியுள்ளார்கள்...

*இமாவர்கள் எழுதிய நூற்கள்..*

*இமாம் ஸஹாவி அவரகள் தனது அல்ஜவாஹிர் வத்துரர் என்ற கிரந்தத்தில் இமாம் இப்னு ஹஜர் அவர்கள் 270 அற்புதமான நூற்களை எழுதியுள்ளார்கள் என குறிப்பிட்டுள்ளார்கள்.*

*முக்கியமான சில நூற்களின் பெயர்கள்..*

1- பத்ஹுல் பாரி பிஷர்ஹி ஸஹீஹில் புஹாரி
2- தஹ்தீபுத் தஹ்தீப்
3- தக்ரீபுத் தஹ்தீப்
4- லிஸானுல் மீஸான்
5- அல் இஸாபா பீ தம்யீஸிஸ் ஸஹாபா
6- புலூகுல் மராம்
7- தர்ஜமது இப்னு தைமிய்யா
8- தர்ஜமதுந் நவவி
9- நுஸ்ஹதுல் அல்பாப் பில் அல்காப்
10- இன்பாஉல் உம்ர் பிஅன்பாஇல் உமுர்
11- முஹ்தஸர் அல் பிதாயா வந்நிஹாயா லிஇப்னி கதீர்
12- அல்லாஆலி அல் மன்ஷூரா பில் அஹாதீஸில் மஷ்ஹூரா
13- அல் இஸ்தித்ராக் அலா நுகதி இப்னிஸ் ஸலாஹ்
14- முன்தகா மின் தாரிஹி இப்னி ஹல்தூன்
15- முன்தகா மின் தாரிஹி இப்னி அஸாகிர்
16- அத்துரருல் காமினா பீ அஃயானில் மிஅதித் தாமினா
17- ஷர்ஹுர் ரவ்ழா
18- ஷர்ஹுல் இர்ஷாத்
19- கிராஸுல் அஸாஸ்
20- ழவ்உஷ் ஷிஹாப்
21- அல் ஹிஸாலுல் முபக்கிரா லித்துனூப்
22- அல் அர்பஊனல் முஜ்தாஸா அன் ஷுயூஹில் இஜாஸா
23- முஹ்தஸருத் தர்கீப் வத்தர்ஹீப்
24- அல் முஃஜமுல் முப்ஹரஸ்
25- அல் இஜ்ஸாஃ பிஅத்ராபில் அஜ்ஸாஃ
26- ரிஜாலுஸ் ஸுனனில் அர்பஆ
27- அஸ்ஸீரா அந்நபவிய்யா
28- அல் இஃலாம் பிமன் துகிர பில் புஹாரி மினல் அஃலாம்
29- ஷர்ஹு மனாஸிகில் மின்ஹாஜ்
30- இத்திஹாபுல் மஹரா பிஅத்ராபில் அஷரா.

*இமாமவர்களின் வஃபாத்..*

ஹிஜ்ரி 853 துல் ஹிஜ்ஜா மாதம் பிறை 28 ல் சனிக்கிழமை இரவு இஷாவுடைய நேரத்துக்கு இரண்டு மணித்தியாலங்களின் பின் தனது தோழர்கள் குழுமியிருந்து குர்ஆன் ஓதிக் கொண்டிருக்கையில் அதைக் கேட்ட வண்ணமே இமாமவர்களின் உயிர் இறைவனிடம் சென்றடைந்தது.