இமாம் வகீஃ இப்னு ஜர்ராஹ் ரஹ்

இமாம் வகீஃ இப்னு ஜர்ராஹ் ரஹ் 

*கி.பி 814-ம் ஆண்டு ஏப்ரல் 24-ம் நாள் மார்க்கச் சட்ட மாமேதை இமாம் வகீஃ இப்னு ஜர்ராஹ் ரஹ் அவர்கள் மரணித்தார்கள்.*

*இமாம் வகீஃ பின் ஜர்ராஹ் ரஹ் அவர்கள் மிகப்பெரும் மார்க்கச்சட்ட வல்லுநராக திகழ்ந்தவர்கள்.அதிகம் மனன சக்தி பெற்றவராகவும்,பேணுதலுடையவராவும்,பற்றற்றவராகவும் இருந்தார்கள்.*

*ஆசிரியர்கள்:*

மாலிக் இப்னு அனஸ் ரஹ்,சுஃப்யானுஸ் ஸவ்ரீ ரஹ்,சுஃப்யான் இப்னு உயைய்னா ரஹ்,இமாம் அவ்ஜாயீ ரஹ் போன்ற பெரும் அறிஞர்களிடம் கல்வி கற்றார்கள்.

*மாணவர்கள்:*

இமாம் ஷாஃபியி ரஹ்,அஹ்மது இப்னு ஹம்பல் ரஹ்,இஸ்ஹாக் இப்னு ராஹவய்ஹி ரஹ்,அப்துல்லாஹ் இப்னு முபாரக் ரஹ் போன்ற பெரும் அறிஞர்கள் இவர்களின் மாணவர்களாவார்கள்.

*மனன சக்தியின் இரகசியம் என்ன?*

*ஒரு மனிதர் இமாமவர்களிடம் வந்து தாங்கள் அதிக மனன சக்தியுடையவராக இருக்க காரணம் என்ன? என வினவினார்.*

இமாமவர்கள் அவரிடம் இரகசியமாக கூறினார்கள்:
மறதிக்கு மருந்தாக அமையும் காரியத்தை நான் உங்களுக்கு சொல்லித் தருகிறேன்.அதுதான்பாவங்களை  கைவிடுவதாகும்.எவர் பாவங்களை கைவிடுகிறாரோ அவருடைய ஞாபகத் திறன் அதிகரிக்கும்.

*இதை இமாம் ஷாஃபியி ரஹ் அவர்கள் கவியாக பாடியுள்ளார்கள்:*

شكوت إلى وكيع سوء حفظي
فأرشدني إلى ترك المعاصي
وأخبرني بـأن العـــلم نور
ونور الله لا يهدى لعاصي

*எனது மணன சக்தி மோசமாக உள்ளது என‌*
*வகீஃ (ரஹ்)" இடம் முறையிட்டேன்....*
*அவர் "பாவங்களை களையுமாறு" எனக்கு வழி காட்டினார்.....*
*அறிவு என்பது பேரொளி என்றும்...*
*அல்லாஹ்வின் ஒளி...*
*பாவிகளுக்கு* *வழங்கப்பட மாட்டாது என்றும் கூறினார்.*

*இமாமவர்களின் வணக்க வழிபாடு:*

காலம் முழுவதும் நோன்பு நோற்பார்கள்.ஒவ்வொரு இரவிலும் ஒரு குர்ஆனை ஓதி முடிப்பார்கள்.
(தாரிஹே பஃதாத்)

*பதவியை புறக்கணித்த இமாம்:*

கலீஃபா ஹாரூன் ரஷீத் அவர்கள் இமாமவர்களிடம் நீதிபதி பொறுப்பை ஏற்றுக் கொள்ளுமாறு கேட்டுக் கொண்டார்கள்.அதற்கு இமாமவர்கள் "அமீருல் முஃமினீன் அவர்களே!எனக்கு வயதாகி விட்டது.ஒரு கண்ணில் பார்வை போய்விட்டது.மற்றொரு கண் பலஹீனமாக உள்ளது."என பதிலளித்தார்கள்.

இதைக் கேட்ட ஹாரூன் ரஷீத் அவர்கள் காரணம் சொல்லி தப்பிக்காமல் பொறுப்பை ஏற்குமாறு இமாமவர்களை கேட்டுக் கொண்டார்கள்.

"அதற்கு இமாமவர்கள் "அமீருல் முஃமினீன் அவர்களே!நான் சொல்வதை உண்மை என நீங்கள் நம்பினால் என் காரணத்தை ஏற்றுக் கொள்ளுங்கள்.நான் பொய் சொல்கிறேன் என நீங்கள் நினைத்தால் நீதிபதி பொறுப்பை பொய்யனுக்கு தருவது உகந்ததல்ல."
எனக்கூறி பொறுப்பை மறுத்துவிட்டார்கள்.*

*இமாமவர்களின் வாழ்விலிருந்து நாம் பெற வேண்டிய படிப்பினைகள்:*

*கல்வி கற்கும் மாணவர்களுக்கு ஞாபகத் திறன் இன்றியமையாத ஒன்றாகும்.பாவங்களை விடுவதால் ஞாபகத் திறன் அதிகரிக்கும் என்ற இமாமவர்களின் சொல்லை நாம்  மாணவர்களின் உள்ளத்தில் பதிய வைக்க வேண்டும்.*

*இரண்டாவதாக,*

*தனக்கு மிகப் பெரிய தகுதி இருந்தும் இமாமவர்கள் பதவியை புறக்கணித்தார்கள்.இன்று தகுதியே இல்லாமல் வெறும் பதவிக்கு ஆசைப்படும் நமக்கு இமாவர்களின் வாழ்க்கை பெரும் படிப்பினையாகும்.*

*காரணம் கூறி பதவியை இமாமவர்கள் தட்டிக் கழித்தார்கள்.இன்று பொய்யான காரணங்களை கூறி இன்று பதவிகளில் நாம் அமர்ந்து விடுகிறோம்.*

*பதவி என்பது அமானிதம்.அதை நிறைவேற்றாவிட்டால் நாம் மறுமையில் பிடிக்கப்படுவோம் என்ற பயமே நம் முன்னோர்கள் அதை விட்டும் விலகியதற்கு காரணமாகும்.*